Amrita : ఇటీవల హనుమాన్ చిత్రం విడుదల ఎంత విజయం సాధించిందో మనందరికీ తెలిసిందే. ఈ చిత్రంలో నటించిన ప్రతి ఒక్క నటీనటుడికి ఎంతో ఆదరణ తగ్గింది. ప్రతి ఒక్కరూ ప్రేక్షకుల మనసు గెలుచుకున్నారు. ఈ సినిమాలో నటించిన హీరోయిన్ అమృత కి కూడా ఎంతో క్రేజ్ వచ్చిందని చెప్పుకోవచ్చు.
ఈ చిత్రంలో నటించకముందు తను పోలీసోడు, లింగ లాంటి తమిళ చిత్రాల్లో నటించినప్పటికీ తనకి పెద్దగా గుర్తింపు లభించలేదు. అలాగే ఆఫర్లు కూడా రాలేదు. తెలుగులో తాను 30 రోజుల్లో ప్రేమించడం ఎలా? అనే చిత్రంలో ప్రదీప్ సరసన నటించింది.
ఇటీవల జరిగిన ఒక ఇంటర్వ్యూలో తనకు గ్లామర్ రోల్స్ కంటే పర్ఫార్మన్స్ రోల్స్ ఎక్కువగా ఇష్టమంటూ చెప్పుకొచ్చింది. అంతేకాకుండా ఆత్మభిమానాన్ని తీసేసి తన హద్దులు దాటనంటూ వివరించింది. తాజాగా ఈ హీరోయిన్ గురించి సోషల్ మీడియాలో ఓ వార్త వైరల్ అవుతోంది. అదేంటంటే తను ఇండస్ట్రీలోకి రాకముందు మోడలింగ్ చేసేదంట. అంతే కాకుండా సీరియల్స్ లో నటిస్తూ కొన్ని షార్ట్‌ఫిల్మ్స్ కూడా చేసేది అమృత.