Vikram And Surya : సూర్య విక్రమ్ గురించి కొత్తగా పరిచయం చేయాల్సిన అవసరం లేదు. వారు తమిళ హీరోలు అయినప్పటికీ తెలుగులో కూడా చాలా క్రేజ్ ఉన్న హీరోలని చెప్పుకోవచ్చు. ఇక వీరిద్దరు శివపుత్రుడు అని చిత్రంతో తెలుగు ఇండస్ట్రీలో మంచి పేరు ప్రఖ్యాతలు సంపాదించుకున్న వ్యక్తులు.
ఆ తర్వాత కూడా ఎన్నో చిత్రాల్లో వేరువేరుగా నటించి ప్రేక్షకులని దగ్గర చేసుకునేలా చేసుకున్నారు. గతంలో సూర్య విక్రమ్ ల మధ్య గొడవ జరిగిందంటూ ఎన్నో వార్తలు వినిపించాయి. అయితే ఎంతో విజయం సాధించిన శివపుత్రుడు చిత్రానికి దర్శకత్వం వహించిన బాల వీరిద్దరితో కలిసి మళ్లీ చిత్రాన్ని రూపొందించాలనుకున్నారట.
అయితే సూర్యకిచ్చిన పాత్ర విక్రమ్ కి కావాలంటూ విక్రమ్ బాల ని అడిగినట్లుగా వార్తలు వినిపించాయి. దీంతో బాల ఒప్పుకోకపోవడంతో సూర్య విక్రమ్ ల మధ్య వివాదాలు వచ్చినట్లుగా ఎన్నో వార్తలు వినిపించాయి. ఇక దాంతో బాల ఆ చిత్రాన్ని సెట్స్ మీదికి తీసుకెళ్లకుండా ఆపేసాడు. ఇప్పటి వరకు వారిద్దరి కాంబోలో వచ్చిన చిత్రాల అంటూ ఏమి లేవు. మరి ఫ్యూచర్ లో వీళ్లిద్దరి కాంబోలో ఏదైనా చిత్రం వస్తుందో వేచి చూడాలి.