Humanoid Robo : హ్యూమన్ రోబో తయారీ చేయడంలో టెస్లా కంపెనీ ముందుగా ఉంది. ఇటీవల తయారుచేసిన హ్యూమన్ రోబో ఆప్టిమస్ వీడియోని తన ట్విట్టర్ అకౌంట్ ద్వారా పంచుకున్నారు. ఈ వీడియోలో ఆప్టిమస్ రోబో ఒక షర్ట్ ని మడతపెడుతూ కనిపిస్తోంది.
ఆ రోబో పూర్తిగా సామర్థ్యం పొందలేదంటూ చెప్పుకొచ్చాడు. త్వరలోనే తనకుతానుగా పనులు చేయగలుగుతుంది. అంటూ ఎలాన్ మస్క్ వెల్లడించారు. ఈ వీడియోని ట్విట్టర్ ద్వారా ఆప్టిమస్ ఫోల్డ్ ఏ షర్ట్ అనే క్యాప్షన్‌తో మెన్షన్ చేశారు.
ఈ రోబో మానవ ఉపయోగానికి తొందరలోనే అందుబాటులోకి వస్తున్నట్లు చెప్పుకొచ్చారు. దీనికి నెటిజన్లు వివిధ రకాలుగా కామెంట్లు చేస్తున్నారు. చాలా చురుగ్గా పని చేస్తుందని ఒక నెటిజన్ కామెంట్ చేయగా మరో నెటిజన్ ఇది చాలా స్లో గా ఉంది. దీని బదులుగా మన పనులు మనమే చేసుకోవడం మేలు అంటూ కామెంట్ చేస్తున్నారు. అంతే కాకుండా ఈ రోబో డాన్స్ చేయడం, నవ్వడం లాంటి పనులు కూడా చేయడం ఈ వీడియోలో స్పష్టంగా కనిపిస్తోంది.